Hans Carl Artmann med an briaf fon mia zu dia


a dauwal miassad med an briaf fon mia zu dia fliang a schwäuwal miassed med an briaf fon mia zu dia fliang a r aumschl miassad med an briaf fon mia zu dia fliang a gaunze lufft fola fegl miassad kuma und med mein briaf fon mia zu dia fliang

i mechat da r an briaf schreim an den wos a da r a drokane rosn zwischn zwa blaln babia legad i mechat da r an briaf schreim en den wos a da fua n zuabikn mei ausdroknz heazz einelegad zwischn de blaln

med ana rodn dintn how a da gschrim das a de gean hob med ana grinan dintn how a da gschrim wia r e no qoat hob auf dii - med ana schwoazzn dintn owa mecht e da jetzt auf s weisse babia schreim das ma r es heazz ausdroknt is fua lauta woatn

med ana schwoazzn aumschl wia r a da r an briaf schikn med an schwoazzn schwäuwal wia r a da r an briaf schikn med ana schwoazzn daum..

a schwoazze lufft fola fegl wiad med mein lezztn briaf augflong kuma und auf d nocht duach s fenzta fua dei bet zuwe fliang!

Aus: "H. C. Artmann. Med ana schwoazzn dintn. gedichta aus bradnsee". 1958 Otto Müller Verlag, Salzburg-Wien



© SPIEGEL ONLINE 2000
Alle Rechte vorbehalten
Vervielfältigung nur mit Genehmigung


TOP
Die Homepage wurde aktualisiert. Jetzt aufrufen.
Hinweis nicht mehr anzeigen.